Kyela. Imependekezwa kuwa Katiba Mpya itamke kuwepo kwa muundo
wa Serikali moja ili kuweza kuulinda Muungano na kuondoa migogoro na
migongano ya kimaslahi katika mgawanyo wa rasilimali.
Mapendekezo hayo yametolewa na Wajumbe wa Baraza
la Katiba la Wilaya ya Kyela Mkoani Mbeya waliokuwa wakijadili ibara ya
57 iliyohusu muundo wa muungano.
Diwani wa Kata ya Ngonga, Kileo Kamomenga alisema
muundo wa Serikali mbili au tatu ni hatari, kwani unahatarisha Muungano
na pia unatoa mwanya kwa Serikali moja kufanya uhusianona nchi nyingine
ambazo hazitakuwa na nia njema na Watanzania .
“Kwa mfano katika ibara 62 kifungu kidogo cha (2)
kinatoa uhuru kwa kila mshirika wa Muungano kuwa na uwezo wa kuanzisha
uhusiano au ushirikiano na jumuiya au taasisi yoyote ya kikanda au
kimataifa kitu ambacho mimi naona ni hatari kwa taifa letu, ni vema
tukawa na Serikali moja, Zanzibar iwe ni moja ya mikoa ya Serikali moja
ya Jamhuri ya Muungano wa Tanzania,”alisema
Alisema kitendo cha Zanzibar kuwa na bendera yake,
wimbo wake wa Taifa, Rais wake ni kuifanya kuwa nayo ni nchi
inayojitegea na watu wake kujiita wao ni Wazanzibari na siyo Watanzania
“Hivyo kama tuna lengo la kudumisha Muungano ni lazima tuwe na Serikali
moja kuliko ilivyo hivi sasa,”alisema
Naye mjumbe, Clifford Mwaikinda alisema kuwa
muundo wa Serikali moja utapunguza kubeba nzigo mkubwa kiuchumi na
madaraka na kuwepo kwa usawa katika kugawanya rasilimali za nchi na
kuondoa upendeleo kwa Serikali ya Zanzibar ambayo ilikuwa inanufaika na
mambo mengi kutoka Tanganyika.
CHANZO:Mwananchi
No comments:
Post a Comment